ವಾಮಂಜೂರಿನ ಸಂತ ಜೋಸೆಫ್ ಇಂಜಿನಿಯರಿಂಗ್ ಕಾಲೇಜಿನ (ಎಸ್ಜೆಇಸಿ) ಪುರುಷರ ಹಾಗೂ ಮಹಿಳಾ ಟೇಬಲ್ ಟೆನ್ನಿಸ್ ತಂಡವು ಸೆಪ್ಟೆಂಬರ್ 29, 2026ರಂದು ಬಂಟಕಲ್ನ ಎಸ್ಎಂವಿಐಟಿಎಂ ಕಾಲೇಜಿನಲ್ಲಿ ಆಯೋಜಿಸಲಾದ ವಿಟಿಯು ಮಂಗಳೂರು ವಿಭಾಗ ಮಟ್ಟದ ಟೇಬಲ್ ಟೆನ್ನಿಸ್ ಪಂದ್ಯಾವಳಿಯಲ್ಲಿ ಭಾಗವಹಿಸಿ,
ಎಸ್ಜೆಇಸಿ ಪುರುಷರ ತಂಡವು ಚಾಂಪಿಯನ್ ಪಟ್ಟವನ್ನು ತನ್ನದಾಗಿಸಿಕೊಂಡರೆ, ಮಹಿಳಾ ತಂಡವು ತೃತೀಯ
ಸ್ಥಾನವನ್ನು ಪಡೆದು ಕಾಲೇಜಿಗೆ ಕೀರ್ತಿ ತಂದಿದೆ.
ಕಾಲೇಜಿನ ದೈಹಿಕ ಶಿಕ್ಷಣ ನಿರ್ದೇಶಕಿ (ಪಿಇಡಿ) ವನೀಷಾ ವಿ. ರೊಡ್ರಿಗಸ್ ಹಾಗೂ ಸಹಾಯಕ ಪಿಇಡಿ ಸುಧೀರ್ ಅವರ ಮಾರ್ಗದರ್ಶನದಲ್ಲಿ ತಂಡವು ಅತ್ಯುತ್ತಮ ಕೌಶಲ್ಯ, ಶಿಸ್ತು ಹಾಗೂ ಹೋರಾಟ ಮನೋಭಾವವನ್ನು ಪ್ರದರ್ಶಿಸಿ ಈ ಸಾಧನೆಯನ್ನು ದಾಖಲಿಸಿದೆ.
ವಿಜೇತ ಪುರುಷರ ತಂಡದಲ್ಲಿ ವಿವಿಧ ಪದವಿ ಕಾರ್ಯಕ್ರಮಗಳ ವಿದ್ಯಾರ್ಥಿಗಳಾದ ರಿಯನ್ ಏಂಜೆಲೋ ಅರುಝಾ ಹಾಗೂ ಶಾಮನ್ ವೇಗಾಸ್ (7ನೇ ಸೆಮಿಸ್ಟರ್, ಸಿಎಸ್ಇ), ವಿಯಾನ್ ಥಾಮಸ್ ಮಸ್ಕರೆನ್ಹಾಸ್ (5ನೇ ಸೆಮಿಸ್ಟರ್, ಸಿಎಸ್ಇ), ರಕ್ಷನ್ ಶೆಟ್ಟಿ (3ನೇ ಸೆಮಿಸ್ಟರ್, ಸಿಎಸ್ಡಿಎಸ್) ಹಾಗೂ ಕನೀಶ್ ಎಸ್. ಸುವರ್ಣ (1ನೇ
ಸೆಮಿಸ್ಟರ್, ಇಸಿಇ) ಸದಸ್ಯರಾಗಿದ್ದರು.
ವಿಜೇತ ಮಹಿಳಾ ತಂಡದಲ್ಲಿ ನಿಕಿತಾ ರಿಷಾ ಡಿಸೋಜಾ, ಡೆಲಿಸಿಯಾ ರಿಯೋನಾ ನೊರೊನ್ಹಾ (7ನೇ ಸೆಮಿಸ್ಟರ್, ಸಿಎಸ್ಇ) ಹಾಗೂ ಮೆಲ್ರಿಯಾ ಸ್ಮಿತಾ ಗೊನ್ಸಾಲ್ವೆಸ್ (5ನೇ ಸೆಮಿಸ್ಟರ್, ಎಐಎಂಎಲ್) ಸದಸ್ಯರಾಗಿದ್ದರು. ಈ ಗಮನಾರ್ಹ ಸಾಧನೆಯ ಮೂಲಕ ಕಾಲೇಜಿಗೆ ಕೀರ್ತಿ ತಂದ ವಿದ್ಯಾರ್ಥಿಗಳು ಹಾಗೂ ದೈಹಿಕ ಶಿಕ್ಷಣ ವಿಭಾಗದ
ನಿರ್ದೇಶಕರನ್ನು ಎಸ್ಜೆಇಸಿ ಆಡಳಿತ ಮಂಡಳಿಯು ಹೃತ್ಪೂರ್ವಕವಾಗಿ ಅಭಿನಂದಿಸಿ, ಶುಭ ಹಾರೈಸಿದೆ.
