ಉಜ್ಬೆಕಿಸ್ತಾನ :ಓಬಿ ರಕ್ಮತ್ ಓಬಿರಾಯನ ಕಾಲದ ಮರ್ಮಗಲ್ಲುಗಳು
ಉಜ್ಬೆಕಿಸ್ತಾನದ ಓಬಿ ರಕ್ಮತ್ ಉತ್ಖನನದಲ್ಲಿ ದೊರೆತ ಕಲ್ಲುಗಳು ಪುರಾತತ್ವಜ್ಞರ ಬಾಣದ ಕಲ್ಪನೆಯನ್ನು ಗರಿಗೆದರುವಂತೆ ಮಾಡಿವೆ.ಫ್ರಾನ್ಸಿನ ಬೋರ್ಡೆಕ್ ವಿಶ್ವವಿದ್ಯಾನಿಲಯದ ತಂಡವು ಉಜ್ಬೆಕಿಸ್ತಾನದ ಈ ಕಲ್ಲುಗಳ ಬಗೆಗೆ ಹ್ಯೂಗ್ಸ್ ಪ್ಲಿಸನ್ ನೇತೃತ್ವದಲ್ಲಿ ಅಧ್ಯಯನ ಮಾಡಿ ಫಲಿತ ಪ್ರಕಟಿಸಿದೆ.ಓಬಿ ರಕ್ಮತ್ ಉತ್ಖನನದಲ್ಲಿ ಕಲ್ಲನ್ನು ತೆಳ್ಳಗೆ ಕತ್ತಿಯಂತೆ ಬಳಸಲು ಮಾಡಿದ್ದು ಹಾಗೂ ಇತರ ಕಲ್ಲಿನ ಆಯುಧಗಳು ಸಿಕ್ಕಿವೆ. ಅವುಗಳಲ್ಲಿ ಬಹು ಸಂಖ್ಯೆಯಲ್ಲಿ ಸಿಕ್ಕ ಮುಕ್ಕೋಣ ಆಕಾರದ ಚೂಪುಗಲ್ಲುಗಳು.
ಈ ಮೊನೆಗಲ್ಲುಗಳನ್ನು ಹೂಡಿ ವೈರಿಯನ್ನು ಗಾಯಗೊಳಿಸಬಹುದು ಎಂಬುದು ಸಾಬೀತಾಗಿದೆ. ಬಿಲ್ಲು ಬಾಣಗಳು 6,000 ವರುಷದಿಂದ ಬಳಕೆಯಲ್ಲಿವೆ ಎಂಬುದು ಸ್ಪಷ್ಟ. ಆದರೆ ೮೦,೦೦೦ ವರುಷಗಳ ಹಿಂದೆ ಮಾನವ ಬಿಲ್ಲಿನಂತೆ ಕಲ್ಲು ಹೂಡುವುದು ಕಲಿತನೆ ಎಂಬುದು ಪ್ರಶ್ನೆ. ನಿಯಾಂಡ್ರತಾಲ್ ಮಾನವ ಬಿಲ್ಲು ಬಳಸಿರಬಹುದೆ?
