ಹಾಸನ: ಜಿಲ್ಲೆಯ ಹಾಸನಾಂಬ ದೇವಿಯ ದರ್ಶನ ವ್ಯವಸ್ಥೆಯಲ್ಲಿ ಸಂಸದರು ತೋರಿದ ವಿಶಿಷ್ಟ ನಡೆ ಎಲ್ಲೆಡೆ ಶ್ಲಾಘನೆಗೆ ಪಾತ್ರವಾಗಿದೆ. ಜಿಲ್ಲಾಡಳಿತದ ಪಾಸ್ ನಿಯಮಗಳನ್ನು ಗೌರವಿಸಿ, ಯಾವುದೇ ರಾಜಕೀಯ ಒತ್ತಡವಿಲ್ಲದೆ ಕಾರ್ಯಕರ್ತರಿಗೆ ದರ್ಶನದ ಅವಕಾಶ ಕಲ್ಪಿಸಿರುವ ಸಂಸದರ ಕ್ರಮ ‘ಗೋಲ್ಡನ್ ಐಡಿಯಾ’ ಆಗಿದೆ.
ಈ ಬಾರಿ ಹಾಸನಾಂಬ ಜಾತ್ರೆಯಲ್ಲಿ ವಿಐಪಿ (ಗೋಲ್ಡನ್) ಪಾಸ್ಗಳಿಗೆ ಅಪಾರ ಬೇಡಿಕೆ ಕಂಡುಬಂದಿತ್ತು. ಭಾನುವಾರದಂದು ದರ್ಶನಾರ್ಥಿಗಳ ಸಂಖ್ಯೆ ತೀವ್ರ ಏರಿಕೆಯಾಗುತ್ತಿದ್ದಂತೆ ಸಂಸದರ ಮೇಲೆ ಸಹ ಒತ್ತಡ ಹೆಚ್ಚಾಗಿತ್ತು. ಆದರೆ ಸಂಸದರು ಜಿಲ್ಲಾಡಳಿತದ ವ್ಯವಸ್ಥೆಗೆ ಅಡ್ಡಿಯಾಗದೆ, ತಮ್ಮ ಖಾಸಗಿ ನಿಧಿಯಿಂದ ಸುಮಾರು ₹5 ಲಕ್ಷ ನೀಡಿ 1,200 ಟಿಕೆಟ್ಗಳನ್ನು ಖರೀದಿಸಿ ತಮ್ಮ ಬೆಂಬಲಿಗರು ಹಾಗೂ ಕಾರ್ಯಕರ್ತರಿಗೆ ವಿತರಿಸಿದರು.
ಆದಾಯಕ್ಕೂ ಸಹಕಾರ:
ಈ ಕ್ರಮದಿಂದ ದೇವಸ್ಥಾನಕ್ಕೆ ನೇರವಾಗಿ ₹5 ಲಕ್ಷಕ್ಕೂ ಅಧಿಕ ಆದಾಯ ಸಂದಾಯವಾಗಿದ್ದು, ಹಾಸನಾಂಬ ದೇವಸ್ಥಾನದ ಅಭಿವೃದ್ಧಿಗೆ ಸಹಕಾರಿಯಾದಂತಾಗಿದೆ.
ಮಾದರಿಯಾದ ನಡೆ:
ಸಾಮಾನ್ಯವಾಗಿ ಜನಪ್ರತಿನಿಧಿಗಳು ಉಚಿತ ಪಾಸ್ಗಳು ಅಥವಾ ಶಿಫಾರಸುಗಳ ಮೂಲಕ ದರ್ಶನ ವ್ಯವಸ್ಥೆಯನ್ನು ಬಳಸಿಕೊಳ್ಳುವ ಪರಿಸ್ಥಿತಿಯಲ್ಲಿ, ಹಾಸನ ಸಂಸದರು ತೋರಿದ ನಿಲುವು ಮಾದರಿಯಾಗಿದೆ ಎಂದು ಸಾರ್ವಜನಿಕ ವಲಯದಿಂದ ಪ್ರಶಂಸೆ ವ್ಯಕ್ತವಾಗಿದೆ.
ಜಿಲ್ಲಾಡಳಿತದ ಪಾಸ್ ವಿತರಣೆ ವ್ಯವಸ್ಥೆ ಅಡ್ಡಿಪಡಿಸದೆ, ದೇವಸ್ಥಾನದ ಆದಾಯ ಹೆಚ್ಚಿಸಿ, ಕಾರ್ಯಕರ್ತರನ್ನೂ ತೃಪ್ತಿಪಡಿಸಿದ ಈ ‘ಗೋಲ್ಡನ್ ಐಡಿಯಾ’ ಜನಪ್ರತಿನಿಧಿಗಳಿಗೆ ಮಾದರಿಯಾಗುವಂತಹ ನಡೆ ಎಂದು ಸಾಮಾಜಿಕ ಮಾಧ್ಯಮಗಳಲ್ಲೂ ಪ್ರಶಂಸೆಯ ಸುರಿಮಳೆ ಕಾಣಿಸಿದೆ.
