ಖ್ಯಾತ ಕಾಲ್ಚೆಂಡು ಆಟಗಾತಿಯಾಗಿಸುವುದಾಗಿ ಆಶ್ವಾಸನೆ ನೀಡಿ ಹದಿನೇಳರ ಹುಡುಗಿಯನ್ನ ಮತ್ತೆ ಮತ್ತೆ ರೇಪ್ ಮಾಡಿದ ಕೋಚ್ ಅಭಿಜಿತ್ ಮೆಂಡಲ್ನನ್ನು ಬಂಧಿಸಲಾಗಿದೆ.
ಮುಂಬಯಿ ಹೊರ ವಲಯದ ಮಹಾರಾಷ್ಟ್ರದ ಪಲ್ಘರ್ನಲ್ಲಿ ಅಪ್ರಾಪ್ತ ಬಾಲಕಿಯನ್ನು ಫುಟ್ಬಾಲ್ ನಕ್ಷತ್ರವಾಗಿಸುವ ಕಿಚ್ಚು ಹೊತ್ತಿಸಿ ಮಾನಭಂಗ ಮಾಡಿದ ಕೃತ್ಯ ನಡೆದಿದ್ದು, ಆ ಸಂಬಂಧ ಕೋಚ್ ಅಭಿಜಿತ್ ಮೆಂಡಲ್ನನ್ನು ಪೋಲೀಸರು ಬಂಧಿಸಿದ್ದಾರೆ. ಈ ಕೋಚ್ ಪ್ರಲೋಭನೆ ನೀಡಿ ಅತ್ಯಾಚಾರ ಎಸಗಿದ್ದಲ್ಲದೆ, ಅದರ ವೀಡಿಯೋ ಮೂಡಿಸಿಕೊಂಡಿದ್ದ. ಆಮೇಲೆ ಅದನ್ನು ತೋರಿಸಿ ಬ್ಲ್ಯಾಕ್ಮೆಯಿಲ್ ಮಾಡಿ ಮತ್ತೆ ಮತ್ತೆ ಅತ್ಯಾಚಾರ ಎಸಗಿದ್ದಾನೆ. ಬ್ಲ್ಯಾಕ್ ಮೆಯಿಲ್ ಹೆಚ್ಚಾದ ಮೇಲೆ ಅನಿವಾರ್ಯವಾಗಿ ಬಾಲಕಿಯು ಪೋಲೀಸರಿಗೆ ದೂರು ನೀಡಿದ್ದಾಳೆ; ಕುಟುಂಬದವರೂ ಠಾಣೆಗೆ ಬಂದಿದ್ದಾರೆ.
ಮುಂಬಯಿ ಹೊರ ವಲಯದ ಪಲ್ಘರ್ ಜಿಲ್ಲೆಯ ವಸಾಯಿಯ ಕಾಸಗಿ ಫುಟ್ಬಾಲ್ ಅಕಾಡೆಮಿಗೆ ಎರಡು ವರುಷದ ಹಿಂದೆ ಬಾಲಕಿ ಸೇರಿದ್ದಾಳೆ. ಒಂದು ವರುಷದಿಂದ ೩೬ರ ಪ್ರಾಯದ ಅಭಿಜಿತ್ ಮೆಂಡಲ್ ಈ ಕುಕೃತ್ಯ ನಡೆಸಿದ್ದಾನೆ. ಪೋಕ್ಸೋ- ಲೈಂಗಿಕ ಶೋಷಣೆಯಿಂದ ಮಕ್ಕಳ ರಕ್ಷಣೆ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ವಸಾಯಿಯ ಮಾಣಿಕ್ ಪುರ ಠಾಣೆಯ ಪೋಲೀಸರು ಪ್ರಾಥಮಿಕ ತನಿಖೆ ಮುಗಿಸಿ, ಆರೋಪಿಯನ್ನು ಬಂಧಿಸಿದ್ದಾರೆ.
