ಹಣ್ಣಿನಲ್ಲಿ ಇಂಡೋನೇಶಿಯಾ ಸೋಲಿಸಿದ ಮಲೇಶಿಯಾ
ನೆಪೆಲಿಯಂ ಲೆಪ್ಪೆಸಿಯಂ ಎಂಬ ರಾಂಬುಟಾನ್ ಹಣ್ಣು ಜಾಗತಿಕವಾಗಿ ಅರ್ಧಕ್ಕರ್ಧ ಇಂಡೋನೇಶಿಯಾದಲ್ಲಿ ಬೆಳೆಯುತ್ತಿತ್ತು; ಆ ಸ್ಥಾನವನ್ನು ಈಗ ತಾಯ್‍ಲ್ಯಾಂಡ್ ಕಸಿದುಕೊಂಡಿದೆ.ರಾಂಬುಟಾನ್ ಮೂಲ ಕೊಂಗಣ ಎಂದರೆ ಆಗ್ನೇಯ ಏಶಿಯಾ. ಅರಬ್ ವ್ಯಾಪಾರಿಗಳು ನಡುಗಾಲದಲ್ಲಿ ಇದನ್ನು ಆಫ್ರಿಕಾದ ಜಾಂಜಿಬಾರ್ ಮೊದಲಾದ ಕಡೆಗೆ ಒಯ್ದರು. ಕಳೆದ ಶತಮಾನದಲ್ಲಿ ನಡುವಣ ಅಮೆರಿಕದ ದೇಶಗಳಿಗೆ ಈ ಉಷ್ಣವಲಯದ ಹಣ್ಣಿನ ಬೆಳೆ ವಿಸ್ತರಿಸಿದೆ.
ದಶಕದ ಹಿಂದಿನವರೆಗೆ ಇಂಡೋನೇಶಿಯಾ ಮುಂದಿತ್ತು. ಕಳೆದೊಂದು ದಶಕದಿಂದ ತಾಯ್‍ಲ್ಯಾಂಡ್ ಹೊಸ ತಳಿಗಳ ಕ್ರಾಂತಿ ಮಾಡಿದೆ. ಇವರ ಆರ್ -334 ರಾಂಬುಟಾನ್ ಹಣ್ಣಿಗೆ ಲೋಕದೆಲ್ಲೆಡೆ ಪೂರೈಸಲಾಗದಷ್ಟು ಬೇಡಿಕೆ ಇದೆ.ಸದ್ಯ ತಾಯ್‍ಲ್ಯಾಂಡ್ 4.50 ಲಕ್ಷ ಟನ್, ಇಂಡೋನೇಶಿಯಾ 1.50 ಲಕ್ಷ ಟನ್, ಮಲೇಶಿಯಾ 65,000 ಟನ್ ರಾಂಬುಟಾನ್ ಬೆಳೆಯುತ್ತವೆ. ಫಿಲಿಪ್ಪೀನ್ಸ್, ವಿಯೆಟ್ನಾಂ ಇನ್ನೆರಡು ಪ್ರಮುಖ ರಾಂಬುಟಾನ್ ಬೆಳೆಯುವ ದೇಶಗಳಾಗಿವೆ.
