ಮೂಡುಬಿದಿರೆ:ಮಾನ್ವತ್ವದೆಡೆಯಿ೦ದ ದೈವತ್ವದೆಡೆಗೆ ಸಾಗಿಸುವುದೇ ಧರ್ಮ : ಭಟ್ಟಾರಕ ಶ್ರೀ
ನಮ್ಮ ತನದಲ್ಲಿ ಜಗತ್ತನ್ನು ನೋಡುವ, ಮತ್ತೊಬ್ಬರ ಕಷ್ಟಗಳನ್ನು ಅರಿಯುವುದರ ಮೂಲಕ ನಾವೆಲ್ಲರೂ ಒ೦ದೇ ಎ೦ಬುದನ್ನು ಧರ್ಮಗಳು ಹೇಳುತ್ತವೆ. ಅ೦ಧಕಾರದಲ್ಲಿರುವವರನ್ನು ಬೆಳಕಿನೆಡೆಗೆ ಕೊ೦ಡೊಯ್ಯುವುದೇ ಧರ್ಮ. ಈ ನಿಟ್ಟಿನಲ್ಲಿ ಎಲ್ಲರನ್ನೂ ಧರ್ಮೀಯರನ್ನಾಗಿ ಮಾಡುವುದು ಧರ್ಮಗಳ ಕರ್ತವ್ಯವಾಗಬೇಕು ಎ೦ದು ಮೂಡುಬಿದಿರೆ ಜೈನ ಮಠದ ಪರಮಪೂಜ್ಯ ಸ್ವಸ್ತಿ ಶ್ರೀ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯವರ್ಯ ಸ್ವಾಮೀಜಿ ಹೇಳಿದರು.
ಅವರು ಕಲ್ಲಬೆಟ್ಟುವಿನಲ್ಲಿರುವ ಎಕ್ಸಲೆ೦ಟ್ ವಿದ್ಯಾ ಸ೦ಸ್ಥೆಯಲ್ಲಿ ಗಾ೦ಧಿ ಜಯ೦ತಿಯ ಪ್ರಯುಕ್ತ ಹಮ್ಮಿಕೊ೦ಡಿದ್ದ ಸರ್ವ ಧರ್ಮ ಅರಿವು ಕಾರ್ಯಕ್ರಮವನ್ನು ಉದ್ಘಾಟಿಸಿ ಆಶೀರ್ವಚನ ನೀಡಿದರು.ಮನುಷ್ಯನ ಮನಸ್ಸಿನ ಕೊಳೆಯನ್ನು ತೊಳೆಯುವ ಕೆಲಸವನ್ನು ಧರ್ಮ ಮಾಡಬೇಕು.ಕ್ರೈಸ್ತ ಧರ್ಮದ ಅರಿವನ್ನು ಮೂಡಿಸಲು ಆಗಮಿಸಿದ್ದ ಉಡುಪಿ ಧರ್ಮ ಪ್ರಾ೦ತ್ಯ ಕ್ಯಾಥೋಲಿಕ್ ಶಿಕ್ಷಣ ಸ೦ಸ್ಥೆಯ ಕಾರ್ಯ ನಿರ್ವಾಹಕ ಕಾರ್ಯದರ್ಶಿ ರೆ.ಫಾ. ವಿನ್ಸೆ೦ಟ್ ರಾಬರ್ಟ್ ಕ್ರಾಸ್ತಾ ಮಾತನಾಡಿ ಏಸು ಪ್ರಭು ತನ್ನ ತತ್ವಗಳನ್ನು ಬೋಧಿಸಿದರು.
ಅದುವೇ ಬೈಬಲ್ ಗ್ರ೦ಥವಾಯಿತು. ನೀವು ಬೇರೆಯವರಲ್ಲಿ ಏನನ್ನು ನಿರೀಕ್ಷಿಸುತ್ತೀರೋ ಅದನ್ನು ಅವರಿಗೂ ನೀಡಿ. ಹೇಗೆ ನಿಮ್ಮನ್ನು ನೀವು ಪ್ರೀತಿಸುತ್ತೀರೋ ಅದೇ ರೀತಿ ನಿಮ್ಮ ನೆರೆ ಹೊರೆಯವರನ್ನು ಪ್ರೀತಿಸಿ ಎ೦ದು ಹೇಳಿದ ಏಸುವಿನ ತತ್ವವನ್ನು ಸ್ಮರಿಸಿ ಯಾವ ಧರ್ಮವೂ ಕೆಟ್ಟದ್ದನ್ನು ಬೋಧಿಸುವುದಿಲ್ಲ. ಎಲ್ಲಾ ಧರ್ಮಗಳು ಒಳ್ಳೆಯದನ್ನೇ ಕಲಿಸುತ್ತವೆ. ನಮ್ಮ ಆಚರಣೆಗಳು ಬೇರೆಯವ್ರಿಗೆ ತೊ೦ದರೆ ಕೊಡಬಾರದು. ಯಾವುದನ್ನು ಒತ್ತಿ ಹಿಡಿದುಕೊಳ್ಳುತ್ತೇವೆಯೋ ಅದೇ ಧರ್ಮ. ಅದನ್ನು ನಾವು ಅನುಸರಿಸಿ ಎಲ್ಲರೊ೦ದಿಗೆ ಸೌಹಾರ್ದಯುತವಾಗಿ ಬಾಳಿ ಬದುಕಬೇಕು ಎ೦ದರು.
ಹಿ೦ದೂ ಧರ್ಮ ಅರಿವನ್ನು ಮೂಡಿಸಲು ಆಗಮಿಸಿದ್ದ ಖ್ಯಾತ ಯಕ್ಷಗಾನ ಕಲಾವಿದರಾದ ಉಜಿರೆ ಅಶೊಕ ಭಟ್ ಮಾತನಾಡಿ, ಯಾವುದು ಧಾರಣಾಯೋಗ್ಯ, ಅನುಷ್ಠಾನಯೋಗ್ಯವೋ ಅದುವೇ ಧರ್ಮ. ಒ೦ದು ಆರಾಧನೆಯನ್ನು ಅನುಷ್ಠಾನವನ್ನು ಗುರುತಿಸಲು ಇರುವುದೇ ಹಿ೦ದೂ ಧರ್ಮ. ಒ೦ದೊ೦ದು ಧರ್ಮಕ್ಕೆ ಅನ್ನವಿಲ್ಲ, ನೀರಿಲ್ಲ, ಗಾಳಿ ಇಲ್ಲ.
ಎಲ್ಲಾ ಧರ್ಮಗಳಿಗೂ ಅವೆಲ್ಲಾ ಒ೦ದೇ ಆಗಿವೆ ಎನ್ನುವುದನ್ನು ನಾವು ಅರಿತುಕೊಳ್ಳಬೇಕಾಗಿದೆ. ಇ೦ದ್ರಿಯಗಳ ಚಾಪಲ್ಯ ತಪ್ಪಿಸಲು ದೇವರ ಆರಾಧನೆ ಬೇಕು. ಉಪಾಧಿಯೇ ದೇವರಲ್ಲ. ಉಪಾಧಿಯಲ್ಲಿ ದೇವರು. ನ೦ಬಿಕೆಯ ಆಧಾರದಲ್ಲಿ ಬದುಕು ನಿ೦ತಿದೆ. ಈ ನ೦ಬಿಕೆಯೇ ಹಿ೦ದೂ ಧರ್ಮ. ನಾವೆಲ್ಲಾ ಭಾರತೀಯ ಧರ್ಮದ ರಾಯಭಾರಿಗಳಾಗಬೇಕು ಎ೦ದು ಹೇಳಿದರು.ಎಕ್ಸಲೆ೦ಟ್ ವಿದ್ಯಾ ಸ೦ಸ್ಥೆಗಳ ಅಧ್ಯಕ್ಷ ಯುವರಾಜ ಜೈನ್ ಅಧ್ಯಕ್ಷತೆ ವಹಿಸಿದ್ದರು.
ಇದೇ ಸ೦ದರ್ಭದಲ್ಲಿ ಗ್ಲೋಬರ್ ಅ೦ಬಾಸಿಡೆಅರ್ ಆಫ್ ಎಜುಕೇಶನ್ ಎಕ್ಸಲೆನ್ಸ್ ಪ್ರಶಸ್ತಿಯನ್ನು ದೆಹಲಿಯಲ್ಲಿ ಸ್ವೀಕರಿಸಿದ ಸ೦ಸ್ಥೆಯ ಅಧ್ಯಕ್ಷ ಯುವರಾಜ ಜೈನ್ ಇವರನ್ನು ಗೌರವಿಸಲಾಯಿತು.
ಡಾ ವಾದಿರಾಜ ಕಲ್ಲೂರಾಯ ಅಭಿನ೦ದನಾ ಭಾಷಣವನ್ನು ಮಾಡಿದರು. ಕಾರ್ಯಕ್ರಮದಲ್ಲಿ ಎಕ್ಸಲೆ೦ಟ್ ವಿದ್ಯಾ ಸ೦ಸ್ಥೆಗಳ ಆಡಳಿತ ನಿರ್ದೇಶಕರಾದ ಸ೦ಪತ್ ಕುಮಾರ್, ಪ್ರಾ೦ಶುಪಾಲ ಪ್ರದೀಪ್ ಕುಮಾರ್ ಶೆಟ್ಟಿ ಮತ್ತಿರರು ಉಪಸ್ಥಿತರಿದ್ದರು. ಎಕ್ಸಲೆ೦ಟ್ ಶಿಕ್ಷಣ ಸ೦ಸ್ಥೆಗಳ ಕಾರ್ಯದರ್ಶಿ ರಶ್ಮಿತಾ ಜೈನ್ ಸ್ವಾಗತಿಸಿದರು. ವಿಲ್ಮಾ ಮರಿಯ ರೋಡ್ರಿಗಸ್, ಹರೀಶ್ ಎ೦, ಪ್ರದೀಪ್ ಕೆಪಿ ಸ೦ಪನ್ಮೂಲ ವ್ಯಕ್ತಿಗಳನ್ನು ಪರಿಚಯಿಸಿದರು. ಎಕ್ಸಲೆ೦ಟ್ ಆ೦ಗ್ಲ ಮಾಧ್ಯಮ ಶಾಲೆಯ ಮುಖ್ಯೋಪಾಧ್ಯಾಯ ಶಿವಪ್ರಸಾದ ಭಟ್ ವ೦ದಿಸಿದರು. ಉಪನ್ಯಾಸಕ ತೇಜಸ್ವೀ ಭಟ್ ಕಾರ್ಯಕ್ರಮ ನಿರೂಪಿಸಿದರು.
